सल्यानमा सोमबार (आज) बेलुका मोटरसाइकल दुर्घटना हुँदा एकजना युवकको मृत्यु भएको छ । सल्यानको लान्तिबाट श्रीनगरतर्फ आउँदै गरेको रा३प ४६४९ नम्बरको मोटरसाइकलमा पछाडि सवार करिब २५ वर्षीय पूणर् रेउलेको उपचारका क्रममा जिल्ला अस्पताल सल्यानामा मृत्यु भएको हो ।
सोमबार बेलुका ६ बजेतिर लान्ति बजार नजिक मोटरसाइकल दुर्घटना हुँदा रेउले गम्भीर घाइते भएका थिए ।
प्रहरीले तत्काल उद्धार गरी घाइतेलाई उपचारका लागि जिल्ला अस्पताल सल्यान पुर्याएको थियो । तर उपचारका क्रममा उनको मृत्यु भएको जिल्ला प्रहरी कार्यालय सल्यानले जनाएको छ ।
मृतक दाङस्थित चिराघाट रहेको बुझिएको र वायरिङको कामको लागि सोमबार सल्यान आएको बुझिएको जिल्ला प्रहरी कार्यालय सल्यानका प्रहरी निरीक्षक तथा प्रवक्ता लक्ष्मण ओलीले जानकारी दिए ।
दाङबाट गाडीमा लान्तिसम्म आएर लान्तिबाट उनी मोटरसाइकलको लिफ्ट लिई श्रीनगरतर्फ आउँदै गर्दा मोटरसाइकल दुर्घटना भएको उनले बताए ।
मोटरसाइकल चालक सल्यान शारदा नगरपालिका-१३, अन्तरकाँडाका १८ वर्षीय सुमन बुढा र मोटरसाइकल प्रहरीले नियन्त्रणमा लिएको छ ।
