सल्यान : सल्यानमा यात्रुबाहक बस दुर्घटना हुँदा ४ जना घाइते भएका छन।नेपालगन्जबाट रुकुम चौरजहरी जाँदै गरेको ना ४ ख ६६१५ नम्बर बस कुमाख गाउँपालिका-२ खारखाेलामा दुर्घटना भएको जिल्ला प्रहरी कार्यालय सल्यानले जनाएको छ।

२६ जना सवार रहेको बस अाज दिउँसो सवा ४ बजे मा दुर्घटना भएको जिल्ला प्रहरी कार्यालय सल्यानका प्रहरी प्रमुख गोविन्द थापाले जानकारी दिए। घाइतेहरूको उद्धारका लागि इलाका प्रहरी कार्यालय रागेचौरबाट प्रहरी खटाइएको सल्यानका प्रहरी प्रमुख थापाले बताए ।