| १८ मंसिर २०७७, बिहीबार ०६:४३
सल्यान : सल्यानमा यात्रुवाहक बस दुर्घटनामा घाइते हुनेको संख्या २५ पुगेको छ। नेपालगञ्जबाट रुकुम चौरजहारी जाँदै गरेको ना ४ ख ६७१५ नम्बरको बस जिल्लाको कुमाख गाउँपालिका-१, खारखोलामा बुधबार दुर्घटना भएको थियो।
दुर्घटनामा परि घाइते भएका १५ जनालाई उपचारका लागि नेपालगञ्ज पठाइएको छ भने १० जनाको रुकुम चौरजहारीमा उपचार भइरहेको जिल्ला प्रहरी कार्यालय सल्यानका प्रहरी प्रमुख गोविन्द थापाले जानकारी दिएका छन्। उनका अनुसार घाइतेमध्ये ३ जनाको अवस्था गम्भीर छ।
