सुर्खेत,। मध्यपश्चिमाञ्चल विश्वविद्यालयका क्यामपस प्रमुखहरुले सामूहिक राजीनामा दिएका छन् । उपकुलपतिको कार्यालयमा बसेको बैठकमा विश्वविधालयका उपकुलपति नन्दबहादुर सिंहले क्याम्पस प्रमुखहरूलाई अभद्र व्यवहार गरेको भन्दै क्याम्पस प्रमुखले सामूहिक राजीनामा दिएका हुन् ।

प्राज्ञिक थलोमा उपकुलपति सिंहको व्यबहार आपत्तिजनक भएको भन्दै सामूहिक रुपमा राजीनामा दिएको क्यामपस प्रमुखहरुले बताएका छन् । पछिल्लो समय मध्यपश्चिमाञ्चल विश्वविधालयमा विद्यार्थी समेत आन्दोलित छन् । विद्यार्थीको आन्दोलन दबाउन भूमिका नखेलेको भन्दै उपकुलपति सिंहले अश्लील गालीगलौज र अभद्र ब्यबहार गरेको क्याम्पस प्रमुखहरुको आरोप छ । राजीनामा दिनेमा व्यवस्थापन संकायका प्रमुख, शिक्षा संकायका प्रमुख, कानुनका प्रमुख, इन्जिनियरिङ, मानबिकी र व्यवस्थापन संकायका क्याम्पस प्रमुख रहेका छन् ।