| १३ माघ २०७७, मंगलवार १८:५९
सुर्खेत । लागूऔषध ब्राउन सुगरसहित एकजनालाई सुर्खेत प्रहरीले पक्राउ गरेको छ । वीरेन्द्रनगर नगरपालिका-४ का २५ वर्षीय सरोज पन्तलाई ब्राउन सुगरसहित प्रहरीले सोमबार राति पक्राउ गरेको हो ।
जिल्ला प्रहरी कार्यालय तथा लागू औषध नियन्त्रण ब्यूरो शाखा कार्यालय सुर्खेतबाट खटिएको प्रहरी टोलीले पन्त शंकास्पद तरिकाले हिँडिरहेको अवस्थामा भेटाएपछि खानतलासी गरेको थियो ।
उनको साथबाट पाँच पुडिया ब्राउन सुगर रीतपूर्वक बरामद गरी नापतौल गर्दा प्लास्टिकसहित पाँच सय ७० मिलीग्राम र प्लास्टिकबाहेक शुद्ध नापतौल गर्दा दुई सय ८० मिलीग्राम ब्राउन सुगरको धुलो पदार्थ र उनले लुकाइछिपाई राखेको दुई लाख ४३ हजार ४० रुपैयाँ बरामद गरिएको जिल्ला प्रहरी कार्यालय सुर्खेतले जनाएको छ । यस विषयमा थप अनुसन्धान भइरहेको प्रहरीको भनाइ छ ।
