बर्दिया, । बर्दियामा बाघको आक्रमणबाट मंगलबार फेरि अर्को एक जनाको मृत्यु भएको छ ।ठाकुरबाबा नगरपालिका– ७ की ५५ वर्षीया डल्ली रावतको मृत्यु भएको हो ।

बर्दिया राष्ट्रिय निकुञ्जमा निउरो टिप्न गएका बेला उनलाई बाघले लगेको र खोजी गर्दा निकुञ्जको बघौरा फाँटमा शव भेटिएको बर्दिया राष्ट्रिय निकुञ्जले जनाएको छ ।निकुञ्जका सहायक संरक्षण अधिकृत असिमकुमार थापाका अनुसार डल्लीको शरीरको अगाडिको भाग बाघले खाएको अवस्थामा शव भेटिएको छ ।उनीसँगै गएका दुइ महिला भने भागेर बच्न सफल भएका थिए ।