दैलेख – दैलेख प्रहरीले चोरीमा संलग्न रहेका आरोपमा एक व्यक्तिलाई पक्राउ गरेको छ । पक्राउ पर्नेमा डोटीको शिखर नगरपालिका–१ का २५ बर्षीया भरत थापा दनुवार रहेको जिल्ला प्रहरी कार्यालय दैलेखले जानकारी दिएको छ । थापाले गत शुक्रवार दैलेखको गुराँस गाउँपालिका–६ का खगेन्द्र बिसीको घरबाट नगद रु एक लाख ८३ हजार पाँच सय रुपैयाँ र सामान समेत चोरी गरी फरार रहेका थिए । चोरी गरेको सुचनाका आधारमा थापालाई नारायण नगरपालिका–१ पुरानो बजारबाट पक्राउ गरिएको हो ।