सल्यान – सल्यानमा आगलागी हुँदा वडाध्यक्षको घर जलेर नष्ट भएको छ । सल्यानको शारदा नगरपालिका ११ का वडाध्यक्ष रामसिंङ बुढाथोकीको घर जलेको हो । जंगलमा लागेको आगो गाउँमा पस्दा घर जलेको प्रहरीले जनाएको छ ।

खैराबाङ स्थित बुढाथोकीको घर मंगलबार दिउसो करिब १ बजेको समयमा जलेको बताएको छ । घर नजिकै रहेको जंगलमा लागेको आगोको झिल्का घरमा आउँदा आगलागी भएको अध्यक्ष बुढाथोकीले जानकारी गराए । उनले भने , “ आगलागीबाट घरमा रहेका सम्पुर्ण सामग्रीहरु जलेको छ । ” बिगत २ दिनदेखि खैराबाङ क्षेत्रको जंगलमा आगलागी भईरहेको छ।