काठमाडौं -नेपालमा आइतबार मात्र सात हजार २११ जनामा कोरोना भाइरस संक्रमण पुष्टि भएको छ । देशभर गरिएको १६ हजार १४७ पीसीआर परीक्षणका क्रममा ७ हजार १ सय ३७ र ६२३ एन्टीजेन परीक्षणका क्रममा ७४ जनामा कोरोना पुष्टि भएको हो ।

योसँगै नेपालमा कोरोना संक्रमितको संख्या तीन लाख ३६ हजार ३० पुगेको छ ।त्यस्तै कोरोना भाइरस संक्रमणका कारण थप २७ जनाको मृत्यु भएको छ । हालसम्म नेपालमा तीन हजार तीन सय २५ जनाको कोरोनाका कारण मृत्यु भएको छ ।

हाल नेपालमा ४८ हजार ७११ संक्रिय संक्रमित आइशोलेशनमा र ६७ जना आइशोलेशनमा छन् । हालसम्म नेपालमा २५ लाख ४ हजार ४७६ वटा पीसीआर परीक्षण गरिएको मन्त्रालयले जनाएको छ ।