| ४ जेष्ठ २०७८, मंगलवार १०:०६
दैलेख ः दैलेखको दुल्लु नगरपालिका–३ सियालामा जिप दुर्घटना हुँदा दुईजनाको घटनास्थलमै मृत्यु भएको छ। जुम्लाबाट सुर्खेततर्फ जाँदै गरेको बा २० च ७१५ नम्बरको जिप दुर्घटना भएको हो ।
जिप मंगलबार बिहान ६बजे तिर दुर्घटनामा परेको हो । ब्रेक फेल भई जिप कर्णाली राजमार्गबाट ५०० मिटर तल खसेको दैलेख प्रहरीले जनाएको छ।
दुर्घटना जुम्लाको गुटिचौर गाउँपालिका–४ का जिप चालक ३८ वर्षीय रामहरि न्यौपाने र गुटिचौर–२ की २७ वर्षीया लक्ष्मी न्यौपानेको मृत्यु भएको छ । प्रहरीका अनुसार जिपमा दुईजना मात्र सवार रहेका थिए ।
