दैलेख- अविरल बर्षाका कारण घर भत्किँदा दैलेखमा एक महिलाको मृत्यु भएको छ । भैरबी गाउँपालिका–२ रावतकोट बालेसैनीकी लक्ष्मी थापाको मृत्यु भएको हो । शुक्रबार बिहान उद्दार गरी ६२ बर्षिय महिला लक्ष्मी थापाको उपचारका लागि अस्पताल लैजादै गर्दा बाटोमा  मृत्यु भएको हो ।

लक्ष्मीका तीन जना नातीनतिना र छोरालाई भने सकुशल उद्धार गरेको जिल्ला प्रहरी कार्यालय दैलेखका प्रहरी निरिक्षक ईन्द्रजित सुनारले जानकारी दिए। घरमा लक्ष्मी सहित तीन नातीनतिना र एक छोरा थिए ।प्रहरीका अनुसार घटना स्थलको प्रारम्भिक अनुसन्धान भई भइरहेको छ ।