| १३ जेष्ठ २०७८, बिहीबार ०७:०१
गुल्मी । गुल्मीमा एक एम्बुलेन्स चालकमाथि कुटपिट भएको छ । उनको टाउकोमा गम्भीर चोट लागेको छ । कुटपिटबाट घाइते भएका एम्बुलेन्स चालक नेपाल रेडक्रस सोसाइटी गुल्मीका एम्बुलेन्स चालक २८ वर्षीय लालबहादुर खत्री रहेको बताइएको छ ।
प्रहरीका अनुसार एम्बुलेन्स चालकलाई रेसुंगा नगरपालिका– १ धागिथुमका अन्दाजी ३० वर्षीय सागर बोहोराले कुटपिट गरेका हुन् । घाइते खत्रीको गुल्मी अस्पतालमा सामान्य उपचारपछि लुम्बिनी मेडिकल कलेज प्रभास पाल्पा उपचारका लागि लगिएको छ । कुटपिटमा संलग्न व्यक्तिको पहिचान भैसकेको र खोजी कार्य तीव्र पारिएको प्रहरीले जनाएको छ ।
