काठमाडौं : नेपालमा मंगलबार थप ५ हजार १ सय ५३ जनामा कोरोना भाइरस संक्रमण पुष्टि भएको छ । देशभर गरिएको १२ हजार ६५ पीसीआर परीक्षणका क्रममा ३ हजार ८७० र ५ हजार ६११ एन्टीजेन परीक्षणका क्रममा १२ सय ८३ जनामा कोरोना पुष्टि भएको स्वास्थय मन्त्रालयले जनाएको छ । यो सँगै हालसम्म नेपालमा पीसीआर परीक्षणबाट ५ लाख ९५ हजार ३६४ जना र एन्टीजेन परीक्षणबाट १५ हजार ९४४ संक्रमित फेला परेका छन् ।
कोरोनाका कारण थप १०८ जनाको मृत्यु भएको छ । नेपालमा हालसम्म ८ हजार ९८ जनाको कोरोनाका कारण मृत्यु भएको छ ।
त्यस्तै थप ६ हजार ५ सय ७० जना कोरोना संक्रमणमुक्त भएका छन् । हालसम्म नेपालमा ५ लाख ४ हजार ५३० जना संक्रमणमुक्त भएका छन् ।हाल ८२ हजार ७३६ संक्रिय संक्रमित आइशोलेशनमा र ७४७ क्वारेन्टिनमा छन् । हालसम्म नेपालमा ३१ लाख ६७ हजार १२९ पीसीआर र ८१ हजार ४६३ एन्टीजेन परीक्षण गरिएको छ ।
