| २६ असार २०७८, शनिबार २०:०६
काठमाडौँ — पछिल्लो २४ घण्टा यता नेपालमा थप १३ सय ५३ जनामा कोरोना संक्रमण देखिएको छ । योसँगै नेपालमा कोरोना संक्रमितको संख्या ६ लाख ५४ हजार २ सय १२ पुगेको स्वास्थ्य तथा जनसंख्या मन्त्रालयले जनाएको छ ।
यस्तै, २४ घन्टामा १४ सय ३२ जना संक्रमित निको भएका छन् । योसँगै संक्रमणमुक्त हुनेको कूल संख्या ६ लाख १८ हजार ३ सय ६१ पुगेको छ । कोरोनाबाट नेपालमा हालसम्म ९ हजार ३ सय ६२ जनाको मृत्यु भइसकेको छ । पछिल्लो २४ घण्टामा २२ जना मृतक थपिएका छन् ।
देशभर सक्रिय संक्रमितको संख्या २६ हजार ४ सय ८९ रहेको मन्त्रालयले जनाएको छ । ३०८ जना क्वारेन्टाइनमा रहेको मन्त्रालयले जनाएको छ ।पछिल्लो २४ घण्टामा ६ हजार ५३० जनामा पीसीआर र ३ हजार ८ सय ८७ जनामा एन्टिजेन परीक्षण गरिएको थियो । शनिबारसम्म नेपालमा ३४ लाख ९९ हजार ४० पीसीआर परीक्षण भएको छ ।
