दैलेख -दैलेखमा बसले जीपलाई ठक्कर दिँदा ७जना घाइते भएका छन् । चामुण्डाविन्द्रासैनी नगरपालिका–७ रामघाटमा बसले जीपलाई ठक्कर दिएको हो । ठाटीकाँध गाउँपालिकाबाट सुर्खेत तर्फ जाँदै गरेको कर्णाली प्रदेश ०२००१ च ०२०४ नम्बरको जिपलाई नेपालगंजबाट मुगु तर्फ जाँदै गरेको ना ६ ख ७४१९ नम्बरको बसले ठक्कर दिएको हो ।
घाइते हुनेमा ठाटीकाँध गाउँपालिका–३ बस्ने २१ बर्षीया मनिषा सारु मगर, २१ बर्षीया कल्पना तारामीमगर, २८ बर्षीय हिमाल बोगटी, ९ बर्षीया जीवन बोगटी, ७ बर्षीया कमला लामिछाने, १ बर्षीया लिजा आलेमगर र कैलालीको घोडाघोडी नगरपालिका–२ बस्ने २४ बर्षीय खगेन्द्र अधिकारी रहकोे दैलेख प्रहरीले जानकारी दिएको छ ।
घाइतेहरुको कर्णाली राजमार्गमै रहेको साङलेतडास्थित स्थानिय मेडिकलमा उपचार भईरहेको प्रहरीले जानकारी दिएको छ । बस, जीप र दुई जना चालकलाई प्रहरीले नियन्त्रणमा लिएको छ ।
