लोकेन्द्र जिसि (कुमार )दैलेख- नारीहरुको महान पर्व हरितालिका तिज नजिकै गर्दा बजारमा तिजको अवसरमा तिजका थुप्रै गीतहरु बजारमा आइपुगेका छन ।विगतका वर्षहरुमा झै यो वर्ष पनि विभिन्न लय तथा शब्दका तीज गीतहरु धमाधम बजारमा ल्याउन सर्जक ,गायक गायिकाहरु यतिबेला अति नै व्यस्त हुन थालेका छन् ।तिजका गितले एतिखेर बजारमा छुट्टै रौनक लिइरहेका छ्न। त्यसैक्रममा वरिष्ठ सर्जक धर्मराज गिरीले शिरफुल मेरो बोलको तिज गीत ल्याएका छन् । सर्जक धर्मराज गीरीको लय शब्द सिर्जनामा रहेको गीतमा लोकप्रिय गायिका टीका पुनले आवाजमा साथ दिएकी छन्।
त्यस्तै, मारुनी डिजिटल स्टुडियोमा रेकर्ड गराएको उक्त गीतको भिडियो छायाकंन अर्जन सापकोटाको रहेको छ । भिडियो कोरियोग्राफी चन्द्र मन्दिरको रहेको गीतको भिडियो श्रिनाथ अनलाइन टिभीमार्फत गीतको भिडियो सार्वजनिक गरिएको छ ।
धर्मराज गिरीले निर्देशन गरेका गीतको भिडियोमा निर्मल प्याकुरेलले भिडियो सम्पादन गरेका छन् । गीतमा दिक्षा गिरीले उक्त भिडियोमा उत्कृष्ट नृत्य प्रस्तुतिका साथ अभिनय गरेकी छन् । उनिसँगै अन्य कलाकारहरुको पनि भिडियोमा नृत्य देख्न सकिन्छ ।
