| ८ भाद्र २०७८, मंगलवार ०५:११
काठमाडौ । नेपालमा पछिल्लो २४ घण्टा यता एक हजार ८ सय एक जनामा कोरोना संक्रमण पुष्टि भएको छ ।स्वास्थ्य मन्त्रालयका अनुसार ८ हजार ७ सय ४ पीसीआर परीक्षण गर्दा १ हजार ५ सय ४८ र २ हजार ६ सय २२ को एन्टीजेन परीक्षण गर्दा २ सय ५३ जना संक्रमित फेला परेका हुन् ।
यस्तै मंगलबार २४ जना कोरोना संक्रमितको मृत्यु भएको स्वास्थ्य मन्त्रालयले जनाएको हो । योसँगै संक्रमणका कारण मृत्यु हुनेको कुल संख्या १० हजार ५ सय ३३ पुगेको छ । पछिल्लो २४ घण्टामा १ हजार ९ सय २४ जना संक्रमित निको भएका छन् ।
