| ९ भाद्र २०७८, बुधबार ०५:११
सल्यान- सल्यानमा खोलाले बगाउँदा एक जनाको मृत्यु भएको छ ।मृत्यु हुनेमा कुमाख गाउँपालिका–४ सिम्तालेका ५१ वर्षीय लीलाधर शर्मा रहेको प्रहरीले जानकारी दिएको छ।
वडा नम्बर ३ र ४ को सिमानामा रहेको मर्मखोला तर्ने क्रममा खोलाले बगाएर शर्मा मंगलबार बिहान बेपत्ता भएका थिए। खोजी गर्ने क्रममा वडा नम्बर २ शान्तिबजारस्थित खोला किनारमा दिउँसो उनको शव फेला परेको जिल्ला प्रहरी कार्यालय सल्यानले जनाएको छ।
