दुल्लु अस्पतालमा ५२ जना चिकित्सकसहित स्वास्थ्यकर्मी कार्यरत छन्। अहिले एचए हिमाल आचार्य र मदन रिजालले अस्पताल डाक्टरविहीन भएपनि चलाएका छन्। डाक्टर र कर्मचारीबीच किचलोका कारण डाक्टरहरु अस्पताल बस्न मन नपराउने गरेको श्रोतले जनाएको छ। स्थानीयका अनुसार डाक्टर नहुँदा स्वास्थ्य सेवा प्रभावित छ। मौसमी विरामीको चाप रहेपनि डाक्टरी सेवा नपाउँदा प्रभावकारी उपचार हुन नसकेको बताईएको छ।
भिडियो एक्सरे, एक्सरे विरामीहरु अस्पताल पुगेर फर्किएका छन् भने ल्याव सेवा समेत प्रभावित भएको छ। सरकारीमा सहुलियत होला भनेर सरकारी अस्पतालमा आएको एक्सरेका लागि डाक्टर नै नभएपछि फर्कनुपर्ने बाध्यता विरामी टिका खड्काले बताईन्।
‘टाढाबाट अस्पताल आउनु मात्र भो।’ उपचारका लागि आएकी टिका खड्काले भनिन्, ‘एउटा पनि डाक्टर नहुँदा म जस्ता धेरैले दुःख पाएर फर्किएका छन्।’
‘विरामीहरु बढीरहेका छन्। आफूहरुले दिने सेवा दिईएको भएपनि डाक्टरी सेवा पाउन सकेका छैनन्,’ हेल्थ असिस्टेन्ट हिमाल आचार्यले भने, ‘आफूहरुले सक्दो रुपमा सेवा दिईरहेका छौं। डाक्टरी सेवा लिन आएका विरामी प्रभावित भएका छन्।’
