नेपालगन्ज : प्रहरी भन्दै सर्वसाधारणलाई धम्काउने एक जना नेपालगन्जबाट पक्राउ परेका छन् ।
जिल्ला प्रहरी कार्यालय बाँकेका अनुसार बिहीबार राति ९ः३० बजे नेपालगन्ज २ को बागेश्वरी मन्दिर परिसरको पूर्वमा रहेको पार्कमा आफुलाई प्रहरी हुँ भनि सार्वसाधरणलाई धम्काउने कालिकोट खाँडाचक्र नगरपालिका ६ को १९ वर्षका लक्ष्मण शाहीलाई वडा प्रहरी कार्यालय नेपालगन्जको टोलीले पक्राउ गरेको हो । प्रहरीले शाहीबारे थप अनुसन्धान गरिरहेको जनाएको छ ।