हुम्ला–लगातारको वर्षाका कारण पहिरो आऊदा हुम्ला जिल्लाको खार्पुनाथ ५ खर्पेलगाउमा एक घर पुरिदा ६ जना बेपत्ता भएका छन् ।
खार्पुनाथ गाउँपालिका वडा नं. ५ खर्पेगाउस्थित बिचदउडामा रहेको धनविरे शाहीको घरमा पहिरो खस्दा धनबिरे शाही, कलबहादुर शाही, आसा शाही र उनका ११ , ५ र ३ वर्षीय छोरा सहित ६ जना पहिरोमा पुरीदा बेपत्ता भएका छन ।
घर पछाडीबाट आएको पहिरोले घर पुरीदा एकै घरका ६ जना बेपत्ता भएको खार्पुनाथ ५ खर्पेलगाऊका स्थानीय हर्क शाहीले जानकारी दिएका छन ।
मंगलबार राती ८ पहिरोले पुर्दा राती भएकाले उद्धारमा समस्या भएको उनले बताए ।
लगातार बर्षा र राती भएकाले अहिले घटनास्थलमा सदरमुकाम सिमकोटबाट सुरक्षाकर्मी जान नसकिने र घटनास्थल नजिकै रहेको याङचु प्रहरी चौकी बर्षाका कारण सम्पर्क हुन नसकेकाले भोली बिहान मात्र जिल्लाबाट उद्धारका लागि संयुक्त सुरक्षा टोली पठाउने हुम्ला प्रहरी प्रमुख डिएसपी हेरम्भ शर्माले बताएका छन ।
