| ५ कार्तिक २०७८, शुक्रबार ०५:३६
काठमाडौं । नेपालमा पछिल्लो २४ घण्टा यता ५४५ जनामा कोरोना संक्रमण भएको छ ।गत २४ घण्टामा ६ हजार ५८६ पीसीआर तथा १९६३ एन्टिजेन परीक्षण गर्दा ५४५ जना कोरोना संक्रमित थपिएका छन् ।
यस्तै पछिल्लो २४ घण्टामा ८ जना कोरोना संक्रमितको मृत्यु भएको छ । योसँगै हालसम्म मृत्यु हुनेको संख्या ११ हजार ३ सय २६ पुगेको छ ।
बिहीबार ७२६ जना कोरोना संक्रमणमुक्त भएका छन् ।हाल देशभर ११ हजार ३१५ सक्रिय संक्रमित रहेका छन् ।काठमाडौं उपत्यकामा पछिल्लो २४ घण्टामा २१४ जना कोरोना संक्रमित थपिएका छन् । काठमाडौंमा १४७, ललितपुरमा ५१ र भक्तपुरमा १६ जना संक्रमित थपिएका हुन् ।
