| ५ कार्तिक २०७८, शुक्रबार ०६:१२
सुर्खेत । हुम्लाको लिमिमा हिमपातले तीन दिनदेखि अलपत्र परेका विदेशी पर्यटकको हेलिकप्टरबाट उद्धार गरिएको छ । हिमपातले लिमिको तुम्लिखमा अलपत्र परेका स्लोभिनियाका ३ जना पुरुष र १ जना महिलासँगै ३ जना नेपाली टेकिङ गाइडको हेलिकप्टरबाट आज उद्धार गरिएको हो ।
हिमपातले अलपत्र परेका विदेशसँगै नेपाली टेकिङ गाइडलाई उद्धार गरी हुम्ला सदरमुकाम सिमिकोट ल्याइएको छ । उनीहरूलाई सिमिकोटबाट काठमाडौँ लगिने छ । सदरमुकाम सिमिकोटदेखि १२ दिन अघि उनीहरू लिमितर्फ हिँडेको टेकिङ गाइड अशिम तामाङले जानकारी दिए ।
उहाँले आकस्मिक आएको हिमतालले ३ दिनदेखि लिमिको तुम्लिकमा अलपत्र परेको बताउनु भयो । आज मौसममा केही सुधार आएपछि लिमिको हल्जीबाट टेलिफोन गरी हेलिकप्टर बोलाएर आफूहरूको उद्धार गर्न लगाइएको उनकोे भनाई छ ।
