डोल्पा,७ कार्तिक -सदरमुकाम दुनैबाट त्रिपुासुन्दरी नगरपालिका ३ सुँपानीतर्फ आउदै गरेको बोलेरो जीप दुर्घटना हुँदा जीपमा सवार ९ जना यात्रु घाइते भएका छन ।घाइतेहुनेहरुमा मकवानपुर जिल्ला हैटौडा नगरपालिका ९ का ३८ वर्षीय विष्णु श्रेष्ठ,३८ वर्षीय असोक सारुमगर,११ बस्ने २२ वर्षीय बुद्दबिर लामा,४ बस्ने ३९ वर्षीय सुरेश श्रेष्ठ,४ बस्ने ३८ वर्षीय रमेश गौतम १० बस्ने ३६ वर्षीय शुसिल राज गिरी ९ बस्ने ३१ वर्षीय जिवन शर्मा ७ बस्ने ३८ वर्षीय किरण अधिकारी र चालक ठूलीभेरी नगरपालिका ९ डोल्पाका २० वर्षीय जुनकोष शाही रहेका छन ।भे १ ज ९७५ नंको बोलेरो जीप ठूलीभेरीनपा ९ स्थित भेत्तिमा स्टेरिङ फेल भई सडकबाट अंदाजी १५ मिटर तलखस्दा दुर्घटना भएको जिल्ला प्रहरी कार्यालय डोल्पाका प्रहरी नायव उपरिक्षक राजु पाण्डेले जानकारी दिए ।
घाइतेहरु मध्ये विष्णु श्रेष्ठ असोक सारुमगर र बुद्दबिर लामाको हात मुख र खुट्टामा गहिरो चाट लाग्नुका साथै उनीहरुको अवस्था गम्भिर रहेको प्रहरीले जनाएको छ ।अन्य घाइतेहरुको अवस्था सामान्य रहेको र सबैलाई जिल्ला अस्पताल दुनैमा उपचारको लागि लगिएको बताइएको छ ।जीप दुर्घटनामा परेर घाइते भई अस्पतालमा उपचार गराइरहेका सबैजना फोक्सुण्डो तालको दृश्यअवलोकनका लागि आएका आन्तरिक पर्यटक रहेको बताइएको छ ।
