| ९ कार्तिक २०७८, मंगलवार ०५:३७
काठमाडौं, । नेपालमा पछिल्लो २४ घण्टामा ७७६ जना कोरोना संक्रमित थपिएका छन् ।गत २४ घण्टामा ८ हजार २ सय ८४ पीसीआर र २ हजार ५ सय ८० एन्टिजेन परीक्षण गर्दा ७७६ जनामा कोरोना संक्रमण पुष्टि भएको हो ।
यस्तै पछिल्लो २४ घण्टामा १३ जना कोरोना संक्रमितको मृत्यु भएको छ । योसँगै हालसम्म कोरोनाबाट मृत्यु हुनेको संख्या ११ हजार ३ सय ६१ पुगेको छ ।
सोमबार ५०१ जना कोरोना संक्रमणमुक्त भएका छन् ।हाल देशभर १० हजार ३६० सक्रिय संक्रमित रहेका छन् ।स्वास्थ्य मन्त्रालयका अनुसार काठमाडौं उपत्यकामा २२७ जनामा कोरोना संक्रमण पुष्टि भएको छ । काठमाडौंमा १८५, ललितपुरमा ३३ र भक्तपुरमा ९ जना संक्रमित थपिएका हुन् ।
