काठमाडौं । पछिल्लो २४ घण्टामा नेपालमा कोरोनाका २२० जना नयाँ संक्रमित थपिएका छन् ।स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको ४ हजार १४१ परीक्षणमा विभिन्न जिल्लाका गरी २२० जनामा संक्रमण पुष्टि भएको हो । त्यसैगरी २६३ जना संक्रमण मुक्त भएका छन् भने १ जनाको मृत्यु भएको छ ।मन्त्रालयका अनुसार अहिले देशैभर गरेर ५ हजार २२५ जना कोरोनाका सक्रिय संक्रमित रहेका छन् ।

हालसम्म पीसीआर विधिबाट ८ लाख २५ हजार ९५४ जनाको कोरोना परीक्षण गरिएको पनि मन्त्रालयले जनाएको छ । त्यस्तै एन्टिजेन विधिबाट ९५ हजार ९८३ जनाको कोरोना परीक्षण गरिएको छ । कूल संक्रमितमध्ये हालसम्म ८ लाख ९ हजार १५५ जना निको भएका छन् भने मृत्यु हुनेको कूल संख्या ११ हजार ५७४ जना पुगेको छ ।