दैलेख ः प्रेस चौतारी दैलेखको अध्यक्षमा पुरुषोतम थापा (पुस्कर) सर्वसम्मत चयन भएका छन् ।प्रेस चौतारी दैलेखको सोमबार सम्पन्न छौटौ जिल्ला अधिवेशनले थापाको नेतृत्वमा १५ सदस्यीय कार्यसमिति चयन गरेको हो ।
उपाध्यक्षमा हिक्मत बहादुर नेपाली, महिला उपाध्यक्षमा पानसरा सिंह ,सचिवमा उदयराज अधिकारी, सह-सचिवमा यामराज विष्ट, समाबेशी सह-सचिवमा धर्मरत्न थापा, कोषाध्यक्षमा सिता शाही, सदस्यहरुमा विजय शर्मा, निरुता कटुवाल, खगेन्द्र खड्का, हिमन्द्र विक,पुजा भण्डारी, पवित्रा थापा मगर, सुरेन्द्रजंग शाही, हिमाल खत्री र लक्ष्मी शर्मा रहेका छन् ।
अधिवेशन उद्घाटन सत्रमा नारायण नगरपालिका दैलेखका मेयर रत्न बहादुर खड्काले,आमूल परिवर्तन गर्न प्रेस चौतारीका पत्रकारहरूको मुख्य भूमिका रहने बताए ।
कार्यक्रममा निर्वाचित कार्यसमितिका पदाधिकारी र सदस्यलाई प्रेेेस चाैतारीका केन्द्रीय सदस्य तथा कर्णाली प्रदेशका सह ईन्चाड बिष्णु शर्माले पद तथा गोपनीयताको शपथ ग्रहण गराएका थिए। अधिवेशनमा प्रेस चौतारी दैलेखका संस्थापक सदस्य जनक न्यौपाने, केन्द्रीय सदस्य गोबिन्ददेव भारती र संस्थापक सदस्य मिरा स्वर्णकारले नर्व निर्वाचित कमिटीलाई शुभकामना मन्तव्य व्यक्त गरेका थिए ।
