सल्यान — सल्यानमा मोटरसाइकलको ठक्करबाट एक पुरुषको मृत्यु भएको छ । शारदा नगरपालिकाको खलंगाबाट श्रीनगर जाँदै गरेको रा ४ प ९१७१ नम्बरको मोटरसाइकलले ठक्कर दिँदा शारदा नगरपालिका–१ पटनेरी निवासी २५ वर्षीय दिपेश डाँगीको मृत्यु भएको हो ।

मोटरसाइकलले ठक्कर दिँदा घाइते भएका उनको राप्ती प्रादेशिक अस्पताल दाङमा उपचारका क्रममा मृत्यु भएको जिल्ला प्रहरी कार्यालय सल्यानका सूचना अधिकारी तथा प्रहरी प्रवक्ता प्रनि अर्जुन पौडेलले जानकारी दिए । उनका अनुसार मोटरसाइकल चालक निरजसिंह सामान्य घाइते भएका र उनको उपचारपछि प्रहरीले नियन्त्रणमा लिएको छ ।