नेपालगञ्ज : बर्दियाको मधुवन नगरपालिका २ जनजागृति सामुदायिक वनकाे जंगलमा पाटे बाघ मृत फेला परेको छ ।डिभिजन वन कार्यालय बर्दियाका अनुसार सोमबार बेलुका बाघ मृत फेला परेको हो । कुहिएको अवस्थामा फेला परेकाले उक्त बाघ करिब एक हप्ता अगाडि नै मरेको हुनसक्ने अनुमान गरिएको छ ।

जंगलमा कुहिएको गन्ध आएपछि खोजी गर्दा बाघ मृत फेला परेको डिभिजन वन कार्यालय बर्दियाका सहायक वन अधिकृत द्रोण शर्माले जानकारी दिए ।

बाघको शव परीक्षणका लागि सदरमुकाम गुलरिया ल्याइएको छ । बाघको मृत्यु के कारण भएकाे हाे परीक्षणपछि खुल्ने शर्माले जनाए ।