| २५ चैत्र २०७८, शुक्रबार ०५:१३
काठमाडौं । पछिल्लो २४ घण्टामा थप ७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २ हजार ८१९ जनाको पीसीआर परीक्षणमा ७ जनामा कोरोना संक्रमण पुष्टि भएको हो ।
यस्तै १ हजार ८४९ जनाको एन्टीजेन परीक्षणमा गर्दा उनीहरु सबैको नेगेटिभ आएको मन्त्रालयले जनाएको छ । यस्तै पछिल्लो २४ घण्टामा कोरोनाबाट २५ जना निको भएका छन् । अहिले देशभर ७४७ जना सक्रिय संक्रमित रहेका छन् ।
जसमध्ये ७१७ जना होम आइसोलेसनमा रहेका छन् भने ३० जना संस्थागत आइसोलेसनमा रहेका छन् । कोरोनाका बिरामीमध्ये ११ जना आईसीयू र १ जना भेन्टिलेटरमा उपचाररत् रहेका मन्त्रालयले जनाएको छ ।
