| १२ बैशाख २०७९, सोमबार ०५:१३
दैलेखको आठबिस नगरपालिकामा एमालेले उम्मेदवार टुंगो लगाएको छ । आइतबार साँझ उम्मेदवारको टुंगो लागेको हो । मेयरमा पुराना नेता तर्क बडुवालले टिकट पाएका छन् । उनी परिपक्क नेता मानिन्छन् ।
उम्मेदवार सिफारिसका लागि भएको मतदानमा उनले सबैभन्दा धेरै मत ल्याएका थिए । ६९ मत खसेकोमा उनले ५७ मत पाएका थिए । बडुवालसँगै वर्तमान मेयर खड्गराज उपाध्याय पनि फेरि मेयरका दाबेदार थिए ।
यस्तै उपमेयरमा कल्पना थापाले टिकट पाएकी छन् । युवा नेतृ थापा विद्यार्थी राजनीतिबाट आएकी हुन् । उनी अनेरास्ववियुको तीन कार्यकाल केन्द्रीय कमिटीमा निर्वाचित भइसकेकी छन् । उम्मेदवार सिफारिसका लागि भएको आन्तरिक मतदानमा पनि उनले सबैभन्दा धेरै मत ल्याएकी थिइन् । उनले ६९ मतमा ५२ मत पाएकी थिइन् ।
