सुर्खेत । वीरेन्द्रनगर नगरपालिका–९ मा गठबन्धनले चुनावी आमसभा गरेको छ । चुनावी आमसभालाई सम्बोधन गर्दै सयुक्त गठबन्धनका नेपाली कांग्रेसबाट वीरेन्द्रनगरको नगरप्रमुख पदका उम्मेदवार उपेन्द्र खड्काले आफू मेयर पदमा निर्वाचित भए वीरेन्द्रमगर ९ का पर्यटकिय सम्पदालाई प्रमुख पर्यटकिय गन्तव्य बनाउने बताएका छन् ।
वीरेन्द्रनगर ९ मा रहेको पर्यटकिय सम्पदा काक्रेबिहारलाई कसरी प्रमुख पर्यटकीय स्थल बनाउने योजना तथा मिनि चिडियाखाना कसरी बनाउन सकिन्छ भन्ने आफ्नो पर्यटन विकासको महत्वपूर्ण योजनाहरु वडाबासीमाझ बताउनुभएको छ । यस्तै अधेरी गुफा तथा सक्तिकाडालाई पर्यटकीय स्थल बनाउने प्रतिबद्धता पनि व्यक्त गरेका छन् ।
वीरेन्द्रनगर ९ का युवाहरुलाइ रोजगारमा लगाउने, पछिल्लो समय कुलतमा लाग्ने युवाहरुको संख्या बढ्दै गएको छ यसलाई अन्त गर्ने भौतिक संरचनाको निर्माण दिगो हुनेगरि सम्पन्न गर्ने, फोहोर व्यवस्थापन गर्ने, स्वास्थ, शिक्षाको गुणस्तरीय बनाउने र समग्र वडाको बिकासका लागि लागिपर्ने प्रतिबद्धता मेयर पदका उम्मेदवार खड्काले गरेका छन् ।
