| ६ श्रावण २०७९, शुक्रबार ०५:४४
दैलेख । दुल्लु नगरपालिकाले कृषि क्याम्पस, विनायकका लागि बस खरिद गरेको छ । कर्णाली प्रदेश अर्थ मन्त्रालयसङ्गको समन्वयमा दुल्लु नगरपालिकाले बस खरिद गरेको हो ।
दुल्लु नगरपालिका १३ विनायकमा रहेको प्राकृतिक स्रोत व्याबस्थापन तथा कृषि क्याम्पसको विभिन्न प्रयोजनका लागि मदत पुर्याउने र यसले बिद्यार्थीलाई शैक्षिक भ्रमण तथा अवलोकनमा लैजान सहयोग पुर्याउने उदेश्यले कृषि तथा बन विज्ञान विश्व बिधालयका भिसी पुण्य प्रसाद रेग्मी र दुल्लु नगरपालिकाको सक्रियतामा बस खरिद गरेको दुल्लु नगरपालिकाका नगरप्रमुख भरत रिजालले कर्णाली मिडियालाई बताए ।
बस खरिदका लागि ५० लाखको टेण्डर आव्हान गरेको थियो र सोही बमोजिम आज ४१ सिटको बस खरिद भएर दुल्लु नगरपालिकामा आएको र केही दिनमा क्याम्पसलाई हस्तान्तरण गर्ने कार्यक्रम रहेको नगरप्रमुख रिजालको भनाई छ ।
