| १० श्रावण २०७९, मंगलवार ०५:१५
काठमाडौंः पछिल्लो २४ घण्टामा ५६८ जनामा कोरोना संक्रमण पुष्टि भएको छ । थप एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ३ हजार ८४ जनाको पीसीआर र १ हजार ७१६ जनाको एन्टीजेन विधि गरी कुल ४ हजार ८ सयको स्वास्थ्य परीक्षण गर्दा उक्त संख्यामा संक्रमण भएको हो ।
यस्तै ९५ जना कोरोना संक्रमणमुक्त भएका छन् । अहिले देशभर सक्रिय संक्रमितको संख्या ३ हजार ५३४ रहेको छ ।
