| ३१ भाद्र २०७९, शुक्रबार ०५:०७
काठमाडौंः पछिल्लो २४ घण्टामा दशभर थप १२६ जनामा कोरोना संक्रमण पुष्टि भएको छ । ३ हजार ७९० जनाको परीक्षणमा १२६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार १ हजार ६७४ जनाको पीसीआर परीक्षण गर्दा ७५ जना र २ हजार ११६ जनाको एन्टिजेन परीक्षण गर्दा ५१ जनामा संक्रमण देखिएको हो ।
योसँगै कोरोना भाइरसको सक्रिय संक्रमितको संख्या २ हजार १२९ जना पुगेको मन्त्रालयले जनाएको छ । यस्तै, पछिल्लो २४ घण्टामा १३७ जना कोरोना संक्रमणमुक्त भएका छन् ।बिहीबार थपिएसँगै नेपालमा कोरोना संक्रमितको कुल संख्या ११ लाख ५० हजार ७९९ पुगेको मन्त्रालयले जनाएको छ ।
