जुम्ला । नाग्म–गमगडी सडकको साढे ६ किलोमिटर सडक कालोपत्रे गरिने भएको छ। चालु आर्थिक वर्षभित्रै सम्पन्न हुने गरी नाग्म–गमगडी सडकको साढे ६ किलोमिटर सडक कालोपत्रे गरिने भएको हो।
उनका अनुसार हाँटसिंजा गुठिज्युलादेखि मालिका बोतासम्म, नाला निर्माण कङ्क्रिट ढलान, पर्खाल निर्माण लगायत स्टक्चरको काम हुने भएको हो। इन्जिनियर चौलागाईले भने पहिलो चरणमा साढे ६ किलोमिटर सडक कालोपत्रे हुने छ । टेन्डर भएर कार्यालयबाट सम्बन्धित निर्माण व्यवसायीलाई कार्यादेश समेत भइसकेको छ। थोदुङ बाचन जेभी कम्पनी’ले कालोपत्रेको ठेक्का पाएको छ ।
निर्माण कम्पनीले चालु आवकै असार मसान्त भित्र कालोपत्रे सक्ने प्रतिबद्धता जनाएको सूचना अधिकारी चौलागाईले बताए। नाली निर्माण, पक्की पर्खाल निर्माण, कङ्क्रिट ढलानका साथै कालोपत्रेको काम हुने छ। नाग्म–गमगडी सडकको साढे ६ किलोमिटर सडक कालोपत्रेका लागि ४० करोड खर्चिने भएको छ ।
निर्माण व्यवसायीसँग कालोपत्रेका लागि ४० करोडको ठेक्का सम्झौता भएको छ । कालोपत्रेसँगै अन्य नाला निर्माण कङ्क्रिट ढलान,पर्खाल निर्माण लगायतका कामहरू हुने छन् । पहिलो चरणमा ४० करोड लागतमा साढे ६ किमी सडक कालोपत्रे भए पनि समग्र ९३ किमी नै सडक कालोपत्रेका लागि बजेट व्यवस्थापनमा जुटेको सडक डिभिजन जुम्लाका प्रमुख राजीव श्रेष्ठले बताए।
