☰ open Loading... 16 July 2024|  

कुहिरोले घेरेको तराई
पश्चिम नेपाल   | १७ पुष २०८०, मंगलवार ११:३०

तराई मधेशमा पछिल्लो केहि दिनदेखि बढेको जाडोका कारण जनजीवन प्रभावित बनेको छ। पछिल्लो ३ दिनदेखि तराईका अधिकांश क्षेत्रमा शितलहर सुरु भएको हो।

बिहान बाक्लो हुस्सु र कुहिरो लाग्नुका साथै ओस पर्ने गरेका कारण जनजीवन प्रभावित बनेको हो। तीन दिनदेखि घाम पनि राम्रोसँग लागेको छैन भने हवाई उडान पनि प्रभावित बनेको छ।

जाडो बढेसँगै तराई क्षेत्रका बजार सुनसान छन् भने कामकाजमा निस्कनेहरूको पनि भिड कम देखिन थालेको छ।

प्रादेशिक अस्पताल जनकपुरमा पनि बिरामीको सङ्ख्या कम भएको अस्पताल प्रशासनले जनाएको छ।

मधेश प्रदेशका ८ वटै जिल्ला, कोशी प्रदेशको सुनसरी, मोरङ, लुम्बिनी प्रदेशको बाँके, रुपन्देही लगायत तराईका जिल्लामा जनजीवन प्रभावित बनेको हो।