आइसिसी क्रिकेट विश्वकप लिग–२ अन्तर्गत आज भएको खेलमा नेदरल्यान्ड्समाथि नामिबियाले २४ रनको रोमाञ्चक जित निकालेको छ ।नेदरल्यान्ड्सले नामिबियाले दिएको २०४ रनको लक्ष्य पुरा गर्न सकेन । नेदरल्यान्ड्सले ४३.४ ओभरमा अलआउट हुँदै १७९ रन मात्रै जोड्न सक्यो ।

मैदान गिलो भएका कारण खेल ४५ ओभरमा झारिएको थियो ।यसअघि कीर्तिपुरस्थित त्रिवि मैदानमा टस जितेको नेदरल्यान्ड्सले फिल्डिङ रोजेपछि पहिले ब्याटिङ गरेको नामिबिया ४१.३ ओभरमा २०३ रनमा अलआउट भएको थियो ।

सिरिज अन्तर्गत आइतबार नेपाल र नेदरल्यान्ड्सबीच अन्तिम खेल हुनेछ ।