पश्चिम नेपाल | २१ आश्विन २०८१, सोमबार २२:०४
काठमाडौंबाट भोजपुरतर्फ जाँदै गरेको यात्रुवाहक बस सिन्धुलीमा दुर्घटना हुँदा दुई जनाको मृत्यु भएको छ ।
मदन भण्डारी राजमार्गअन्तर्गत सिन्धुलीको हरिहरपुरगढी-५ द्धारेखोलामा सोमबार दिउँसो दुर्घटना हुँदा २ जनाको घटनास्थलमै मृत्यु भएको प्रहरीले जनाएको छ ।
वाग्मती प्रदेश ०१–००६ ख ६७८५ नं रोयल भोजपुर यात्रुवाहक बसमा ४० भन्दा बढी यात्रुहरू रहेका थिए ।
घाइतेहरूको मरिण गाउँपालिकाको प्राथमिक स्वास्थ्य केन्द्र कपिलाकोटमा उपचार सुरु भएको छ भने कतिपयलाई सिन्धुली अस्पतालमा लगिँदै छ ।
धेरै यात्रुहरु घाइते भएकाले यकिन विवरण आइनसकेको सिन्धुली प्रहरीका एसपी गोविन्दराज काफ्लेले जानकारी दिए ।
