अर्घाखाँचीको भूमिकास्थान नगरपालिकास्थित जयठाँटीमा भएको बस दुर्घटनामा मृतकको संख्या दुई र र घाइतेको संख्या १८ पुगेको छ ।

वडा नं ५ र ६ को सिमाना पर्ने जयठाँटीमा आज साँझ ५ बजेतिर देउसीभैलो नाचिरहेको स्थानमा ना ३ ख २४७१ नं को बसको ‘ब्रेक फेल’ हुँदा दुर्घटना भएको थियो ।

बसले भैलो खेलिरहेकाहरूलाई ठक्कर दिएकामा एक महिलाको घटनास्थलमै मृत्यु भएको थियो भने अर्घाखाँची अस्पतालमा उपचारका क्रममा २२ वर्षीय तारा श्रेष्ठको मृत्यु भएको प्रहरी नायब उपरीक्षक चक्रबहादुर मल्लले जानकारी दिए ।