सुर्खेतमा लागूऔषध ब्राउन सुगरसहित २ जना पक्राउ परेका छन् । पक्राउ पर्नेमा कालिकोटको पलाता गाउँपालिका – ५ घर भई सुर्खेतको वीरेन्द्रनगर नगरपालिका – ९ बस्ने २७ वर्षीय प्रयास बम ठकुरी र वीरेन्द्रनगर – १० का २१ वर्षीय चन्द्र सुनार छन् ।

वीरेन्द्रनगर – १० को दीपनगर टोलमा लागूऔषधको कारोबार भइरहेको सूचना पाएपछि जिल्ला प्रहरी कार्यालय र लागूऔषध नियन्त्रण शाखा कार्यालय सुर्खेतबाट खटिएको टोलीले उनीहरूलाई पक्राउ गरेको हो । उनीहरूको साथबाट ५० मिलीग्राम लागूऔषध ब्राउन सुगर जस्तो देखिने धूलो पदार्थ र लागूऔषध जस्तो देखिने १५ ट्यावलेट बरामद गरिएको जिल्ला प्रहरी कार्यालय सुर्खेतले जनाएको छ ।

उनीहरूलाई नियन्त्रणमा लिएर अनुसन्धान भइरहेको कार्यालयका प्रहरी निरीक्षक कृष्णबहादुर खड्काले बताए ।