पश्चिम नेपाल | २६ कार्तिक २०८१, सोमबार १२:१५
जाजरकोटमा फोर्स गाडी दुर्घटना भएको छ । सोमबार साढे ११ बजेतिर भएको दुर्घटनामा अहिलेसम्म १७ जना घाइते भएका छन् ।
जिल्ला प्रहरी कार्यालय जाजरकोटका सुचना अधिकारी दिनेश तिमिल्सिनाका अनुसार बा ५ख १८९२ नम्बरको फोर्स गाडी भेरी नगरपालिका–७ स्याउले बजारबाट नेपालगंजतर्फ जाँदै गरेको उक्त गाडी जाजरकोट–छिन्चु सडकअन्तर्गत कुदुमा दुर्घटना भएको हो ।
२१ सवार रहेको गाडीमा १७ जना घाइते भएको र उनीहरुको उद्दार गरी कुदुका स्थानीय स्वास्थ्य संस्थामा उपचार भइरहेको तिमिल्सिनाले बताए ।
गाडी सडकबाट ५० मिटर तल खसेको छ । घटनाबारे थप विवरण आउन बाँकी छ ।
