जुम्लाबाट टिकापुर जाँदै गरेको ना४ख ६०५६ नम्वरको बस कर्णाली राजमार्ग अन्र्तगत दैलेखको आठविस नगरपालिका –३ सिस्नेमा बे्रक फेल हुँदा दुर्घटना भएको छ । स्थानीयका अनुसार बसको बे्रक फेल हुँदा भित्तामा ठोकिएर दुर्घटना भएको हो ।

दुर्घटनाबाट मानविय क्षति नभएपनि यात्रुहरु घाईते भएका छन् । ईलाका प्रहरी कार्यालयबाट प्रहरी टोली पुग्दै गरेकोले घाईतेहरुको संख्या र अवस्थाबारे एकिन हुन नसकेको हो । दुर्घटना स्थलमा प्रहरी टोली पुग्दै गरेकाले थप विवरण आउन बाँकी रहेको जिल्ला प्रहरी कार्यालय दैलेखका प्रमुख (डिएसपी) सुनिल दाहालले बताए ।