कृषि उत्पादनको बजारीकरण, पर्यटन प्रवर्द्धन तथा कला संस्कृतिको संरक्षणका लागि प्रथम कालीकोट महोत्सव उद्घाटन भएको छ ।

‘समृद्ध कालीकोटको प्रमुख विकासको आधार, कृषि, पर्यटन, संस्कृति, उद्योग र पूर्वाधार’ भन्ने मूलनाराका साथ आयोजना गरिएको कालीकोट महोत्सव मंगलबार मान्ममा उद्‌घाटन भएको हो । महोत्सव उद्घाटन गर्दै प्रदेशका उद्योग पर्यटन वन तथा वातावरणमन्त्री सुरेश अधिकारीले कर्णाली प्रदेशमा रहेका पर्यटकीय क्षेत्रको प्रचारप्रसारमा महत्वपूर्ण सहयोग पुग्ने बताए ।