पश्चिम नेपाल | १४ मंसिर २०८१, शुक्रबार १७:०१
रामेछाप दुर्घटनामा जिल्लाको गोकुलगंगा गाउँपालिका ४ का वडाध्यक्ष रामचन्द्र बस्नेतको मृत्यु भएको छ।
शुक्रबार दिउँसो गोकुलगंगा गाउँपालिका वडा नं. ६ स्थित सिमलडाँडा भिरमा फोर्स गाडी दुर्घटना हुँदा पाँच जनाको मृत्यु भएको थियो । वडाध्यक्ष बस्नेत पनि त्यहीँ परेका हुन् ।
गाउँपालिका अध्यक्ष काजीबहादुर खड्काका अनुसार वडाध्यक्ष बस्नेतको मृत्यु भइसकेको छ । ‘दुखद् भयो । उहाँ पनि पर्नुभयो,’ अध्यक्ष खड्काले भने ।
गाडीमा ८ जना सवार थिए । जसमध्ये पाँच जनाको घटनास्थलमै मृत्यु भएको थियो ।
अन्य तीन जना गम्भीर घाइते छन् । जिल्ला प्रहरी कार्यालय रामेछापका डीएसपी प्रदीप सिंहका अनुसार उनीहरूको उपचार जारी छ ।
दुर्घटित गाडी घटना स्थलबाट करिब ३०० मिटर तल झरेको थियो ।
