जाजरकोटमा जीप दुर्घटना हुँदा दुई मजदुरको मृत्यु भएको छ। अर्का एक मजदुर घाइते भएका छन्।

मध्यपहाडी लोकमार्ग अन्तर्गत भेरी नगरपालिका–१० नुवागाउँ नजिकै भएको जीप दुर्घटनामा सोही लोकमार्गमा कार्यरत दुई जना मजदुरको मृत्यु भएको हो।

गएराति भएको दुर्घटनामा कैलालीका २४ वर्षीय मनोज केसी र जुम्ला घर भएका २२ वर्षीय मिथुन हमालको मृत्यु भएको जाजरकोट प्रहरीले जनाएको छ।

घाइते २२ वर्षिय कमल चौधरीको जिल्ला अस्पताल जाजरकोटमा उपचार भइरहेको छ। प्रहरीका अनुसार जीप सडकबाट ७ सय मिटर तल खसेको छ।