दैलेखमा बाेलेराे जिप दुर्घटना हुँदा २ जना घाइते भएका छन् । भे १ च २८८५ नम्बरकाे जिप दैलेख सदरमुकाम स्थित एकान्तकुना नजिकै दुर्घटना भएकाे हाे । जिप सडकबाट करिब २० मिटर तल खसेकाे छ ।

घाइतेकाे जिल्ला अस्पताल दैलेखमा उपचार भैरहेकाे जिल्ला प्रहरी कार्यालय दैलेखका प्रमुख सुनिल दाहालले बताएका छन् । घाइते हुनेमा दुल्लु नगरपालिका ५ का गाडी चालक बर्ष २१ का मातृका रिमाल र दुल्‍लू नगरपालिका ८ का १८ बर्षीय धुर्ब रोकाय रहेका छन् । आकृति एण्ड आशिष एग्राेभेट सेन्टर दुल्लूकाे जिप रहेकाे खुलेकाे छ ।