दैलेख- गुराँस गाउँपालिकाको १५ औं गाउँ सभा सम्पन्न भएको छ । ‘सुख समृद्धिका लागी शासकीय सुधार ,हातेमालो गरी फेरौ गुराँसको मुहार’ मूल नारासहित गुराँस  गाउँपालिकाको गाउँ सभाको १५ औं अधिवेशन सम्पन्न भएको हो ।

कार्यक्रममा गाउँपालिका अध्यक्ष टोप बहादुर बिसीले कृषि, स्वास्थ्य, शिक्षा र पर्यटनलाई प्राथमिकता राखेर काम गरेको बताए । उनले गाउँपालिकाले गौरवका योजना अगाडि बढाएको र भइरहेका कामको स्थानीयलाई सहज र सुलभ रुपमा सेवा दिनुपर्नेमा जोड दिए ।उनले स्थानीय उत्पादनसँगै स्थानीय आयश्रोत बढाउन सबैको ध्यान हुनुपर्नेमा जोड दिए ।

कार्यक्रममा गाउँपालिका उपाध्यक्ष शिवा कुमारी खड्का, प्रमुख प्रशासकीय अधिकृत डिल बहादुर पौडेल लगायतले बोलेका थिए ।