दैलेख । अभिषेक स्मृति क्लवले १५जना विद्यार्र्थीलाई शैक्षिक सामाग्री वितरण गरेको छ । क्लबले स्वर्गीय अभिषेक थापाको ३४औं जन्मोत्सवको अवसरमा नारायण नगरपालिका–६ स्थित भूर्तिमा रहेको रेडक्रस माध्यमिक विद्यालयका विपन्न र जेहेन्दार विद्यार्थीलाई शैक्षिक सामग्री वितरण गरेको हो ।
विद्यार्थीलाई कापी, पेन्सिल,डटपेन लगायत शैक्षिक सामाग्रीहरु वितरण गरिएको अभिषेक स्मृति क्लवका सल्हालकार भुपाल थापाले बताए । उनले कक्षा १ देखि १० सम्मका परिक्षामा उत्कृष्ट हुने विद्यार्थीलाई सामाग्री बितरण गरिएको जानकारी दिए ।
यस्तै स्वर्गीय अभिषेक थापाको३४औ जन्मोत्सवको अवसरमा वितरण गरिएको शैक्षिक सामाग्रीले बिपन्न परिवारका बालबालिकालाई नियमित पढाइलेखाइमा सहयोग पुग्ने नारायण नगरपालिका- ६का वडाध्यक्ष जनक प्रसाद न्यौपालेले बताए।
शैक्षिक सामाग्री वितरणले विद्याथीहरुलाई ठुलो सहयोग पुग्ने उनले बताए बताए ।
यस्ता खाले क्रियाकलापले समाज रुपान्तरणमा टेवा पुराउने सशस्त्र प्रहरी बल नेपाल आश्रीत गुल्म दैलेखका प्रमुख चन्द्र बहादुर खत्रीले बताए।स्र्वगीय सशस्त्र प्रहरी निरिक्षक अभिषेक थापालाई संगठले जहिले पनि सम्झि रहने उनले जानकारी दिए ।
कार्यक्रममा विद्यालयका सहायक प्रधानाध्यापक रामचन्द्र रेग्मी , अभिषेक स्मृति क्लवका सदस्य मिलन कार्की, विद्यालयका ब्यवस्थापन समितीका अध्यक्ष मणीराम न्यौपाने. रत्न प्राविका प्रधानाध्यापक रुद्रबहादुर थापा, अभिभावक, पत्रकार लगायतको सहभागिता रहेको थियो ।