सुर्खेत, ग्लोबल मनी वीक २०२५ को अवसरमा नेपाल बैंक लिमिटेड सुर्खेत शाखाले उषा बाल बाटिका उच्च माध्यमिक विद्यालयमा वित्तीय साक्षरता कार्यक्रम आयोजना गरेको छ । उक्त कार्यक्रममा उषा बाल बाटिका उच्च माध्यमिक विद्यालयका कक्षा ११ मा अध्ययनरत १०० भन्दा धेरै विद्यार्थीहरुको सहभागिता रहेको नेपाल बैंक लिमिटेड सुर्खेत शाखाका प्रबन्धक श्री बलराज बुढाले जानकारी दिए ।
कार्यक्रमा प्रमुख वक्ताका रूपमा नेपाल बैंक लिमिटेड सुर्खेत शाखाका प्रबन्धक बलराज बुढा र कर्णाली प्रदेश प्रादेशिक प्रबन्धक दिनेश पौडेलले वित्तीय साक्षरताको बारेमा जानकारी दिएका थिए ।
कार्यक्रमको उद्देश्य विद्यार्थीहरूलाई वित्तीय ज्ञान प्रदान गर्दै उनीहरूलाई सही बचत, लगानी, बैंकिङ प्रणाली, डिजिटल कारोबार, र वित्तीय सुरक्षा सम्बन्धी जानकारी दिएका थिए ।
वक्ता बलराज बुढाले बैंकिङ प्रणाली, बचतको महत्त्व, र सुरक्षित वित्तीय कारोबारबारे जानकारी दिएका थिए । त्यस्तै, दिनेश पौडेलले डिजिटल वित्तीय सेवाहरू, ठगी जोखिम, र बुद्धिमानीपूर्वक वित्तीय निर्णय लिने सीपबारे समेत जानकारी दिएका थिए ।
विद्यार्थीहरूले कार्यक्रममा सक्रिय रूपमा सहभागिता जनाउँदै बैंकिङ प्रणाली र वित्तीय व्यवस्थापन सम्बन्धी जिज्ञासाहरू राखेका थिए। नेपाल बैंक लिमिटेडले यस्ता कार्यक्रमहरूले वित्तीय सचेतना बढाउने विश्वास व्यक्त गरेको छ।
नेपाल बैंक लिमिटेड सुर्खेत शाखाले भविष्यमा पनि यस्ता सचेतनामूलक कार्यक्रमहरू निरन्तर आयोजना गर्ने प्रबन्धक बुढाले बताए ।
